.. بـ اختصار

  لو أجيب صفر في امتحاني هذاك عسل على قلبي
.. و من قلب
يعجز لساني بقوووهـ عن التعبير

و يمكن قالتها وحده فيكم
 أكرهكم .. تكفي

يا عساني أردها لكم بأفراحكم يا رب
 و تكسرون ظهري بـ هدايا عروسكم
 

 أحبكم

أول مرهـ أحس لـ العيد طعم غريب

يوم العيد إن شاء الله بنمشي

الله يستر علينا

و بنرجع على خير بعد كم يوم

كله لـ عيون الغاليه الله يطول بعمرها

تغير جو و يستاسع صدرها شوي

المهم ادعوا لنا نروح و نرجع بـ السلامه و تقر عينكم فيني

و سامحونا و حللونا و استروا على ما واجهتوا على كل حال

عيدكم مبارك

و كل عام و انتوا و من يعز عليكم بـ خير

-------------------------------

ولكم باك لـ سموي الكريم

و الحمدلله على سلامتنا

و لو إن صار لنا فلم و حنا راجعين

بس الحمدلله على سلامة الوصول

و قرة عينكم فيني من جديد

!.. و بس

 حياكم الله  

 تراني أول مره في حياتي أحوس في الشسمه

 فـ استروا ما واجهتوا

 و تو ما نور المكان 

 على فكره .. ترى و لا شي عندي هنا لي

 لا صور و لا شعر و لا شـي <<< من زود الفلاحه  

 كل شي لـ راعيه

 ما عدا البوم أنا اللي في الفوتو حقي  

 و بس

صعب لامنك فشلت وصعب لامنك لقيت
ان من يكره نجاحك يدري انك ما نجحت

امس ضقت ورحت اقلّب ذكرياتي وانتهيت
عند صوره طفل صوته مثل صوتي لا انجرحت

وش مثل .. لا و الله الا هذا انا يوم ابتديت
انطق حروف تلعثم في لساني لا انمدحت

هذا انا يوم الحياة بنظرتي عشرين بيت
ومسجدين ومدرسه من طين كم فيها اصطبحت

هذا أنا اصبحت اتمتم ( هذا أنا ) حتى بغيت
اختنق بس القدر عيّا على موتي وطحت

وصاح صوت الطفل فيني انت من وين ارتميت
قلت انا المستقبل اللي فيه كم همت وطمحت

امس كنت ابيك تكبر بس والله لو دريت
اني ياللي عشت لاجله متّ عندك واسترحت

لو دريت إن الزمان يجر رجلي ما عديت
و لو دريت إن البحور بلا مواني ما سبحت

كان دربك لي طويل وكل ماشفتك هويت
قلت لك كبوة جواد وماكبيت الا جمحت

ليه تسمعني وتمشي آآآهـ ليتك مامشيت
وآه ليتك من كثر عثرات الايام انتصحت

ضاعت احلامي وظل الحزن فيني واهتديت
للطريق اللي يوديني على دمعي ورحت

يالحزن ليتك مثل دمعي وتنزل لارقيت
بس اعرفك لو مسحت الدمع تبقى ماانمسحت

كان حلمي في وجود انسان يبكي لابكيت
وصار حلمي في وجود انسان يفرح لافرحت

كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

آآآهـ يا أول ذكرياتي خذني افحضنك نسيت
أسألك عن وجه ابوي اللي معه ياماا سرحت

خذني افحضنك ابغفى يااااهـ مبطي ماغفيت
وان لمحت دموع عيني سو نفسك ما لمحت

خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت

إضحك وعلّم زماني من على ومن وين جيت
طقّ باب الحزن واصرخ فيّ لامني فتحت

وضمّني يمك وكمّل ضحكتك لامن بكيت
!.. ودّي اذكر كيف كانت ضحكتي لامن فرحت